Бүгүн Хаҥалас улууһун Орто Дойдутугар үгэс быһыытынан сыллата ыытыллар «Хонуу күнэ — 2024» тыа хаһаайыстыбатын сайыннарыыга биир эмиэ суолталаах тэрээһин ыытылынна.
Биһиги улууспутуттан улуус баһылыга Василий Аммосов салалталаах 16 киһилээх делегация кытынна. Итиэннэ Суотту агрооскуолата үлэтин-хамнаһын билиһиннэрдэ, бородуусуйаларын быыстапкатын туруорда.
Бэлиэтээн этиэххэ, тэрээһиҥҥэ республика 17 агрооскуолата кытынна. Түмүккэ Суотту орто оскуолатын коллективын бастыҥ үлэлээҕинэн бэлиэтээтилэр, дьоҕус холодильнигы бэлэхтээтилэр.
«Хонуу күнүгэр» өрөспүүбүлүкэ бары улуустарыттан оҕуруоччуттар, сүөһү-сылгы иитиитинэн, науканан, тыа хаһаайыстыбатын бородууксуйатын оҥорон таһаарыынан дьарыктанар хаһаайыстыбалар мустаннар, үлэлэрин-хамнастарын билиһиннэрдилэр, уопут атастастылар. Сири оҥоруу, үүнээйини дэлэтии, тыа хаһаайыстыбатын управлениетын үбүлээһинин туһунан, о.д.а. боппуруостарга төгүрүк остуолга кэпсэттилэр.
Тыа хаһаайыстыбатыгар туһалаах агродроннары көтүтэн көрдөрдүлэр, тиэхиньикэлэр уонна бородууксуйа баай быыстапката турда. М.Г. Сафронов аатынан тыа хаһаайыстыбатын научнай-чинчийэр институтун уопуттаах учаастактарыгар үүнээйилэри көрдөрдүлэр.
Ольга Шепелева