Аныгы үйэҕэ виртуальнай эйгэ технологиялара олус түргэнник сайдаллар. Онон бу ИКТ технологиялары үөрэх эйгэтигэр туһаныы олус көдьүүстээх. Кылгас кэм иһигэр аан дойдуну барытын тилийэ көтүөххэ сөп, онон оҕолор атын дойдулар кэрэхсэбиллээх сирдэрин илэ харахтарынан көрөллөрүгэр, матырыйаалы түргэнник өйдүүллэригэр туһалаах.
Уус Алдан улууһун оҕону эбии үөрэхтээһин киинигэр араас дойдулар уратыларын, классификацияларын уонна былаахтарын билиһиннэрэр «Аан дойду сирдэрэ» үөрэтэр дьарык ыытылынна. Оҕолор аан дойдуга Россия миэстэтин билистилэр, конспект суруйуутугар үөрэннилэр.
Тэрээһин Тимченко фондатын көмөтүнэн сынньалаҥ уонна дьарыктаах буолуу саҥа технологияларынан толору тэриллибит кабинекка ыытылынна. Оҕолор телевизорга матырыйаалы көрдүлэр, виртуальнай эйгэ ачыкытын кэтэн Лондон уулуссаларыгар күүлэйдии сылдьар курдук сананнылар. Оҕолор дьарыгы олус астыннылар.
Инникитин аныгы үйэ тэриллэрин толору туһанан, иитиллээччилэргэ араас тэрээһиннэр, оонньуулар, конкурстар ыытыллаллара былааннанар.
Сардаана Иванова, эбии үөрэхтээһин киинин педагога