«Саха Ай Кут» НКО «Все вместе к гармоничному уютному пространству» диэн Ил Дархан гранын бырайыагар Дүпсүннэээҕи «Сардаҥа» оҕо уһуйаана кыттар.
Быйыл сайын ол граны НКО-лар кыайан, коллектив бу бырайыакка оҕо саадын дьиэтин иннинээҕи сирин ландшафтнай көҕөрдүүнэн, дьиэ биир хоһун интерьернай дизайнынан уонна дьиэ үүнээйитинэн көҕөрдүүнэн үлэтин саҕалаата, эһиил түмүктэниэхтээх.
Манна дизайн өттүн «Айар» фирма салайааччыта Саргылана Филиппова оҥорор. Оттон ханнык үүнээйини, хайдах, хаһан олордору, хантан ылары, биологическай наука кандидаттара биология институтун Ботаническай садын үлэһиттэрэ Екатерина Афанасьева уонна Варвара Семёнова консультациялаан, иилээн-саҕалаан биэрэллэр. Кинилэр ыйалларынан-кэрдэллэринэн «сардаҥалар» бу бырайыагы олоххо киллэрэллэр.
Ол чэрчитинэн балаҕан ыйын 7 күнүгэр Екатерина Александровна уонна Варвара Васильевна сибирскэй яблоня, венгерскэй сирень, саһархай акация мастары аҕаланнар хайдах олордору көрдөрөр практическай маастар-кылааһы ыытан бардылар.
Быйыл саас Варвара Васильевна уонна Екатерина Александровна кэлэн элбэх сүбэлэри биэрбиттэрэ. Ону таһынан өбүгэбит астарын сөргүтүүгэ маастар-кылаастары ыыппыттарын үлэһиттэр уонна бэтэрээннэр сэргээн истибипппит, астаан амсайбыппыт.
«Сардаҥалар» итини таһынан оҕуруот аһын олордон, коллективынан тыаҕа тахсан отонноон кыһын оҕолору бэйэлэрэ үүннэрбит, хомуйбут битэмииннээх астарынан аһаталлар. Ол курдук хортуоппуй, сүбүөкүлэ, моркуоп. Былырыыҥҥытааҕар бөдөҥү, элбэҕи 32 куул хортуоппуйу ылбыттар.
Пелагея Соловьёва, «Сардаҥа» уһуйаан бэтэрээнэ