Республикатааҕы көрбөттөр обществоларын көҕүлээһининэн, кулун тутар 29, 30 күннэригэр Майа сэлиэнньэтигэр мөлтөхтүк көрөр дьон икки ардыларыгар хамаанданан бастыыр иһин зонатааҕы культурнай-спортивнай фестиваль ыытылынна.
Уус Алдан улууһуттан 6 киһиттэн састааптаах толору хамаанда кытынна. Хамаандалар общество үлэтин кэпсиир-көрдөрөр визиткаттан, быыстапкаттан саҕалаан, ырыаҕа, декламацияҕа, спорт көрүҥнэригэр күрэхтэстилэр.
Түмүккэ хамаандабыт культурнай өттүгэр бастаан, спортивнай көрүҥнэргэ: квиксоҕа, дуобакка, катаминоҕа – иккис, дартска – бастакы, голбол оонньуутугар үһүс миэстэни ылан, уопсай түмүккэ хамаанданан II миэстэни ылары ситистибит.
Бу баран кэлэрбитигэр күүс-көмө, өйөбүл-тирэх буолбут улууспут дьаһалтатыгар, социальнай көмүскэл управлениетыгар, “Мүрү саһарҕата” хаһыат коллективыгар махталбытын тиэрдэбит.
Улуустааҕы көрбөттөр уопсастыбалара