Биллэр общественнай деятель, спорду тэрийээччи биир дойдулаахпыт Николай Тарскай төрөөбүтэ 100 сылынан Баатаҕайга ыытыллыбыт ыһыах иккис күнүгэр, ол эбэтэр бэс ыйын 9 күнүгэр төрөөбүт дойдутугар Чараҥайга тэрилиннэ.
1947 сыллаахха улахан тутуулары тутан ыһыах тэрийбит сирдэрин Баатаҕай нэһилиэгин дьаһалтата Кыайыы 75 сылынан урукку биллэр миэстэлэри сөргүтүүгэ куонкурус биллэрбитигэр, биһиги Чараҥай сирин түһэриигэ бырайыакпыт кыайан, онно олорбут дьон оҕолоро, сиэннэрэ бары түмсэн субуотунньуктаан, киэҥ далааһыннаах үлэбит саҕаламмыта. Онон уруккутутуулар бары саҥа тыыннанан, ыһыахтыыр сир чөлүгэр түһэриллэн, аны урукку бөһүөлэкпитин онно үлэлээн,олорон ааспыт дьоммутун үйэтитии үлэтэ ыытыллан, аҕыс разделлаах стела туруоруллубута.
Быйыл биллиилээх государственнай-общественнай деятель Николай Николаевич Тарскай төрөөбүтэ 100 сылынан ыһыахтыыр сирбитигэр Чараҥайын дьоно кыттыһан өйдөбүнньүк бэлиэ туруордубут. Бу үлэлэр барыта чараҥайдар күүстэринэн оҥоһулунна.
Быйылгы ыһыахпыт “Өбүгэ быстыбат ситимэ” диэн ааттанан ыытылынна. Бу күннэргэ биир сэдэх булумньукөһүннэ. Бачча сыллар тухары сыппыт эбит. Николай Тарскай туттарбыт спортивнай площадкатынтаһыттан булулунна. Чараҥай ыһыаҕар Николай Тарскай үлэлээбит, үөрэммит, олорбут сиринэн экскурсия тэрилиннэ. Олус дириҥ ис хоһоонноох тэрээһин буолан ааста. Сылдьыбыт дьон көрбөтөхтөрүн көрдүлэр,билбэтэхтэрин биллилэр. Төһө дасуол мөлтөх буолан, өтөҕөр тиийбэтэрбит даҕаны син-биир онно сылдьыбыт саҕасананныбыт. Экскурсовод Ксения Румянцева, Наталия Мордовская бэркэ сырдаттылар. Атын да билиһиннэрээччилэрАнна Бурнашева, Надежда Сивцева, Изабелла Белолюбская, Павел Павлов Чараҥай союһуттан, Афанасьевтартан саҕалаан Николай Тарскайбытын сырдатан, стела, ыһыахтыыр сир оҥоһуллубут историятын дьоҥҥо тиийэр гына бэркэ кэпсээн, Чараҥайга ханан кимнээх олорбуттарын сырдаттыбыт.
2025 сылга кинигэбэчээттэнэн тахсарыгар бары күүспүтүн, билиибитин ууран көмөлөөн үлэлэһэргэ бэлэмнэрин биллэрдилэр.
Маны тэрийбит хамыыһыйаҕа, салайааччы Алеанна Бурнашеваҕа махтал истиҥ тылларын этэн астынан тарҕастыбыт.
Бу тэрээһиҥҥэ Агафья Готовцева эмиэ олус далааһыннаахтык кэпсээбитэ сөхтөрдө.Мария Борисова аҕатын үлэтин сырдатан, икки олусдириҥ ис хоһоонноох хаартысканан кэпсиир альбом кинигэни олохтоох музейга туттарда. Үөрүүлээх чааска “Уолан” бөлөх кыттыылаахтара Николай Тарскай туһунан монтаж аахтылар. СӨ народнай артыыһа Владимир Заболоцкай ырыата, Семен Черноградскай оһуохайа тэрээһини киэргэттилэр.
Анна Бурнашева, тэрийээччи. Баатаҕай