Сотору кэминэн, кулун тутар 15-17 күннэригэр, дойдубут президенин талар эппиэтинэстээх, инники олохпутун, сайдыыбытын түстүүр быыбар буолаары турар. Быыбар иннинэ Бороҕоннооҕу 565 нүөмэрдээх УИК үлэһиттэрэ ыалларынан сылдьыбыттара бүгүн төрдүс күнэ саҕаланна.
Бу УИК барыта181 дьиэҕэ сылдьыахтаах. Үлэһиттэр: «Олохтоохтор маннык сырыылартан соһуйбаттар, быыбарга кыттарга бэлэмнэрин биллэрэллэр», – дииллэр. Бу сылдьан кинилэр быыбар буолар күннэрин, ханнык УИК-ка быыбардыы баралларын санаталлар, пропискаларын тэҥнииллэр (сверка), дьиэҕэ дьааһыкка быыбардатыыны билиһиннэрэллэр. Итиэннэ атын сиргэ пропискалаахтар УИК-ка сайабылыанньа биэрэн куоластыахтарын сөбүн уонна кандидаттары билиһиннэрэллэр.
Прописката суох олохтоохтор «ГОСУСЛУГИ» портал нөҥүө быыбардыыр баҕаларын биллэрэллэригэр сайабылыанньа толоруохтарын сөп. Оттон пропискалаах эрээри быыбар күннэригэр онно суох буоллахтарына, МФЦ-га, «Госуслуги» порталга тус кэбиниэккэ эбэтэр ТИК-ка баран сайабылыанньа суруйаллар.
Быыбардыыр учаастак үлэһиттэрэ үлэ күнүгэр 17.00-20.00 ч. уонна өрөбүл күннэргэ 10.00-20.00 ч. сылдьаллара биллэр. Маныаха чааһынай дьиэлээхтэр ыттаргытын баайыҥ, үлэһиттэр доруобуйаларын харыстааҥ диэн ыҥырабыт.
Ольга Шепелева