Мүрү нэһилиэгин саамай элбэх быыбардааччылаах Петр Никитич Бурнашев аатынан 564 N-дээх Оҕуруоттаах учаастагын бэрэссэдээтэлэ Розалия Татаринова быйылгы быыбар үлэтигэр үгүс уларыйыы киирбитин бэлиэтиир:
– Биһиги учаастакпытыгар испииһэгинэн өрөспүүбүлүкэ Ил Дарханын быыбарыгар – 1233, улуус дьаһалтатын баһылыгын талыыга – 1194 быыбардааччылаах киирдибит.
Сүрүн уларыйыынан үс күннээх быыбар күнэ киирбитэ буолар. Бу икки күн быыбардаммыт бюллетеннэр анал сейф-пакетка угуллан сейфэҕэ ууруллаллар. Быыбар түмүктэнэр күнүгэр үс күннээҕи бюллетеннэр арыллан, бары тэҥҥэ ааҕыллаллар.
Билиҥҥи туругунан, быыбардааччылар сарсыарда аҕыс чаастан быыстала суох кэлэн, быыбар көхтөөхтүк бара турар.