Муус устар 19 күнүгэр С.С.Васильев-Борогонскай аатынан Киин библиотекаҕа Бүтүн Россия үрдүнэн ыытыллар “Библионочь-2024” тэрээһин 13 төгүлүн ыытылынна. Быйылгы тэрээһин Арассыыйаҕа Дьиэ кэргэн, Саха сиригэр Оҕо аймах, улууспутугар Аҕа сылларыгар ананан “Бүттүүн дьиэ кэргэнинэн ааҕабыт” диэн тиэмэлээх ыытылынна.
Тэрээһин үөрүүлээх чааһыгар салайааччы И.Д. Копырин кэлбит ыалдьыттары, ааҕааччылары кэтэһиилээх “Библионочь” акция аһыллыбытынан эҕэрдэлээтэ, ыҥырыылаах ыалдьыттарга махтанна. Салгыы “Дьиэ-кэргэним сөбүлээн ааҕар кинигэлэрэ” библиотека ааҕааччыларын бенефиһа ыытылынна. Манна бэйэлэрин сөбүлээн ааҕар кинигэлэрин туһунан РФ уопсай үөрэхтээһинин Бочуоттаах үлэһитэ, СӨ үөрэҕириитин туйгуна Екатерина Степановна Парникова уонна “Уһуктуу” литературнай түмсүү чилиэнэ Анатолий Гаврильевич Кириллин – Дьолу Куус кэлбит ыалдьыттарга билиһиннэрдилэр. Ааҕааччыны кытта үлэлиир отдел сэбиэдиссэйэ Г.В. Аммосова “Дьиэ кэргэн формуляра” анал докумуону үөрүүлээх быһыыга туттарда.
Билиини-көрүүнү тургутар “Квиз-викторина” уопсай ыытылынна, салгыы араас хайысхалаах интэриэһинэй быыстапкалар, оонньуулар, бэсиэдэлэр хосторунан утуу-субуу айан дьон интэриэһин ылыан ылла. Ол курдук, талба талааннаах Крыловтар дьиэ кэргэн “Урааҥхай уустара үйэттэн үйэҕэ” оҥоһуктарын быыстапкалара, “Умсулҕан” коллекционердар түмсүүлэрин чилиэнэ Г.В. Дегтярева “В гостях у самовара”, “Во саду ли, в огороде” бэсиэдэтэ, маастар-кылааһа, оонньуулара, “Сэдэгэр” скандинавскай хаамыы кулуубун чилиэннэрэ И.К. Басыгысова, В.М. Гоголева маастар-кылаастара, сүбэлэрэ, “Өркөн” оҕону эбии үөрэхтээһин киинин үлэһиттэрэ, иитиллээччилэрэ “Искусственный интеллект – проводник в мир нейросетей”, электроннай ресурса киинэ салайар “Древо жизни – история семьи” бэсиэдэтэ, оонньуулара, норуот маастара И.И. Окоемов коллекциялыыр “Дело в шляпе” араас омук дойдуларын бэргэһэлэрин, сэлээппэлэрин уонна үгүс элбэх сүүтүктэрин быыстапката, бэсиэдэтэ, “Читая путешествуем” Россия уонна омук дойдуларынан айан туһунан көрдөрөр, билиһиннэрэр быыстапката, фотозоната, оонньуулара кэлбит ыалдьыттар кэрэхсэбиллэрин ылла.
Татьяна Бурцева, библиотекарь