А.Н. Жирков аатынан Бэйдиҥэтээҕи агропромышленнай хайысхалаах оскуолаҕа 2019 сылтан мүөттээх ыҥырыаны иитэн саҕалаабыппыт.
Бүгүн мүөттээх ыҥырыаттан бородууксуйаны хайдах ылары, мүөтү оҥорон таһаарыы тиэхиньикэтин пчеловод Игнатий Слепцов ыалдьыттарга, оҕолорго көрдөрдө, олохтоохторго бу хайысха оскуолаҕа хайдах үлэлии, сайда турарын билиһиннэрдэ.
Тэрээһиҥҥэ тутатына мүөттээх араамалары уйаттан ороон таһааран медогонкаҕа эргитиини тэрээһин кыттыылаахтара сөҕө-махтайа көрдүлэр, туһааннаах ыйытыыларыгар хоруйдары иһиттилэр, эргийэн тахсыбыт сибиэһэй мүөт тута чэпчэтиилээх сыананан атыыланна.
Наталья Алексеева, А.Н. Жирков аатынан Бэйдиҥэ орто оскуолатын дириэктэрин сүбэһит