Баатаҕайдар бырабыыталыстыба отчуотугар киэн туттар биир дойдулаахтара биллэр уопсастыбаннай диэйэтэл Николай Тарскай уонна историк учуонай Дмитрий Петров ааттарын үйэтитиини тоһоҕолоон туруорустулар.
Ону таһынан саҥа оскуоланы уонна нэһилиэккэ үлэлии кэлэр специалистарга уопсай дьиэ тутууларыгар, чааһынай дьиэлэри ититии ситимигэр холбооһуҥҥа, хаачыстыбалаах электруотунан хааччыйыыга болҕомтону уурарга эттилэр.
СӨ Бырабыыталыстыбатын Бэрэссэдээтэлин солбуйааччы Сергей Местников Николай Тарскай үбүлүөйдээх сылыгар тахсыахтаах кинигэтигэр көстүбүт эбии матырыйааллары барытын киллэрэн таһаартарыыга үбүлээһинигэр көмөлөһүөх буолбута барыбытын үөртэ уонна долгутта.
Августина Пермякова, библиотекарь