Уус Алдан улууһун баһылыгын солбуйааччы эбээһинэһин толорооччунан Анатолий Алексеев ананна. Кини ДьУоКХ, ыксаллаах быһыы-майгы, суол-иис, урбаан боппуруостарын сүрүннүөҕэ.
Анатолий Анатольевич 1992 сыллаахха Мүрү нэһилиэгэр төрөөбүт. Мүрү 2-с №-дээх орто оскуолатын 2010 с. бүтэрбит.
Үөрэҕэ:
- 2012 с. РФ Үпкэ министиэрстэбэтин иһинэн судаарыстыбаннай университеты үөрэнэн бүтэрэн финансист идэлээх;
- 2017 с. Үлэ уонна социальнай сыһыаннаһыы академиятыгар экономист идэтин ылбыт;
- 2021 с. ХИФУ ИТИ “Теплогазоснабжение и вентиляция” салаатыгар үөрэнэн инженер идэтин баһылаабыт.
Үлэтэ:
- 2012-2014 сс. – «СР ОДьКХ» ГУП Уус Алданнааҕы филиалын сүрүннүүр экономиhа;
- 2014-2021 сс. – «СР ОДьКХ» ГУП Уус-Алданнааҕы филиалын кылаабынай экономиhа;
- 2021 с. – «СР ОДьКХ» ГУП Уус Алданнааҕы филиалын кылаабынай инженера.