Бүгүн, тохсунньу 7 күнүгэр, «Россия ийэлэрэ» хамсааһын Уус Алданнааҕы филиалын бэрэссэдээтэлэ Сусанна Аммосова уонна улуустааҕы психологическай киин салайааччыта Саргылаана Никитина көҕүлээһиннэринэн, анал байыаннай дьайыыга сылдьар уолаттарга таҥас тигиитигэр акция биллэриллибитэ.
Акцияҕа баҕалаахтар дьиэлэриттэн иистэнэр массыынаарын, оверлоктарын илдьэ кэлэн иистэннилэр.
Бу күн улууспут араас тэрилтэлэриттэн биирдиилээн дьахталлар кэлэн, футболка, ис таҥас, кээнчэ, аптечка тиксэн актыыбынай кыттыыны ыллылар.
Ол курдук улуустааҕы психологическай киинтэн Таисия Базарова, РЭС-тэн Оксана Иванова, СРЦН-тан Доминика Егорова, ДьУоКХ-тан Радмила Иванова, үөрэх управлениетыттан Ирина Олесова, биэнсийэҕэ олорор, өрүүтүн ыытыллар акцияларга көхтөөхтүк кыттыһар Анастасия Копырина, ИДьО-тан Марфа Щелканова кэлэн күүс-көмө буоллулар.
Уолаттарбыт төһө да ыраах сырытталлар, дойдуларын ото араҥаччылаатын, ыраастаатын диэн кыра мөһөөччүктэргэ үөрэ, боҕуруускай, кытыан оттору уган ыыталыыбыт. Ол отторбутун бүгүн Найахыттан Анастасия Румянцева, Бороҕонтон Варвара Окоемова тиксэрдилэр.
Тигэр матырыйаалларбытын улуус дьаһалтата тэрийбит «Эрэл» пуонда үбүлээһининэн хааччылынна.
Бу тигиллибит таҥастар улууспут баһылыга Василий Аммосов салалталаах делегация анал байыаннай дьайыыга сылдьар уолаттарбытын көрсө барарыгар тиксэриллиэхтэрэ.
Өрөбүл күннэрин аахсыбакка, үтүө санааларынан салайтаран, кэлэн иистэнэн барбыт кыргыттарбытыгар улахан махталбытын биллэрэбит. Баҕарабыт тус бэйэҕитигэр, дьиэ кэргэҥҥитигэр дьолу, ситиһиини, туох баар бары үчүгэйи.
Саргылаана Никитина