Бүгүн оскуола иннинэ үөрэхтээһин үлэһиттэрэ идэлээх күммүтүн көрсө Педагог уонна уһуйааччы сылын чэрчитинэн бэтэрээн-наставникпыт Галина Иванованы-Айтыынаны кытта истиҥ көрсүһүү улуустааҕы таһымҥа бэрт сэргэхтик ыытылынна.
Галина Никитична иитээччи уустук үлэтигэр сүбэни-аманы, үлэтин уопутун, ийэ, эбэ быһыытынан кистэлэҥин эдэрдэри кытта үллэһиннэ. Эдэрдэр бэйэлэрин санааларын атастастылар,махтал тылларын эттилэр.
Биһиги коллективпытыттан Вероника Аммосова, Александра Максимова, Анисия Егорова, Лирия Готовцева кыттыыны ыллылар. Ыалдьыппытын улуустааҕы үөрэх үлэһиттэрин профсоюзнай комитетын председателэ Анна Попова, оскуола иннинээҕи үөрэхтээһин отделын начальнига Алена Шубина эҕэрдэлээн махтал тылларын эттилэр. Кэлэн истибит коллегалар элбэх туһалааҕы ылбыттарын астынан бэлиэтээтилэр.
Анна Алексеева, «Мүрүчээнэ» уһуйаан бас иитээччитэ