Сыл бастыҥ учууталын быһаарар өрөспүүбүлүкэтээҕи куонкурус финалыгар 30 учууталтан 17 лауреат талыллыбытыгар Уус Алдан улууһун Лөгөй орто орто оскуолатыттан история, обществознание учуутала Василий Бережнев киирдэ.
Лауреаттары “Педагогическай диктант”, киин куорат оскуолаларыгар “Уруок”, “Үөрэнээччилэри кытта кэпсэтии” түһүмэхтэр түмүктэринэн быһаардылар. Аны “Маастар-кылаас”, “Учууталга ыйытыы”, “Тылы учууталга” түһүмэхтэргэ биэс лауреат талыллыаҕа. Кинилэртэн Учуутал күнүгэр “2023 сыл учуутала” ааты ылбыт бастыҥ учуутал аатын билиэхпит.
Василий Бережневка ситиһиини баҕарыаҕыҥ!